نہ ہوگی رزم اگر تو بزم وجہ برہمی ہوگی

نہ ہوگی رزم اگر تو بزم وجہ برہمی ہوگی

کسی صورت سے ہو دنیا تو اک دن ختم ہی ہوگی

مرن ہو جائے گا جینا اگر صورت یہی ہوگی

سنا ہے زندگی ہی پھر مآل زندگی ہوگی

مجھے دنیا و ما فیھا سے کیا دل بستگی ہوگی

یوں ہی سہواً کبھی اس کی طرف آنکھ اٹھ گئی ہوگی

الٰہی آسماں کب تک بنے گا مرجع ہستی

یہاں کب تک یوں ہی توہین خاک آدمی ہوگی

میں اے سیمابؔ سورج بن کے چمکا ہوں اندھیروں میں

نہ ہونے سے مرے محسوس دنیا میں کمی ہوگی