tul-e-rah-e-hayat se ghabra raha hun main

tūl-e-rah-e-hayāt se ghabrā rahā huuñ maiñ

ghabrā rahā huuñ aur chalā jā rahā huuñ maiñ

chhūtī nahīñ hai mujhe par-e-jibrīl kī havā

ye kin bulandiyoñ pe uḌā jā rahā huuñ maiñ

phir de rahā huuñ fitrat-e-insāñ ko dars-e-nāz

sar-e-āstāñ husn se uThvā rahā huuñ maiñ

kyuuñ mere tark-e-bāda pe tujh ko yaqīñ nahīñ

saaqī tire laboñ kī qasam khā rahā huuñ maiñ

tahlīl ho rahā hai mirā nuur har nafas

ta.amīr-e-kā.enāt meñ kaam aa rahā huuñ maiñ

tul-e-rah-e-hayat se ghabra raha hun main

ghabra raha hun aur chala ja raha hun main

chhuti nahin hai mujhe par-e-jibril ki hawa

ye kin bulandiyon pe uDa ja raha hun main

phir de raha hun fitrat-e-insan ko dars-e-naz

sar-e-astan husn se uThwa raha hun main

kyun mere tark-e-baada pe tujh ko yaqin nahin

saqi tere labon ki qasam kha raha hun main

tahlil ho raha hai mera nur har nafas

tamir-e-kaenat mein kaam aa raha hun main