main husn ki nazron se jab mahw-e-tamasha tha

maiñ husn kī nazroñ se jab mahv-e-tamāshā thā

ai be-kHudī-e-dil kyā tū ne mujhe dekhā thā

ye mere tasavvur meñ hairat-kada kis kā thā

ik a.alam-e-be-rañgī nazreñ thiiñ na jalva thā

tū vahm meñ parde ke mahrūm-e-tamāshā thā

parda jise samjhā thā ġhāfil vahī jalva thā

har haal mere dil kā ik hāl-e-musalsal hai

pahle bhī ġham-e-fardā merā ġham-e-fardā thā

bijlī kī tarah vo to lahrā ke hue pinhāñ

maiñ kis se kahūñ merā maqsūd-e-nazar kyā thā

'sīmāb' mohabbat ke ālām kā shikva kyā

insāñ pe mohabbat kā in.aam bhī kyā kyā thā

main husn ki nazron se jab mahw-e-tamasha tha

ai be-kHudi-e-dil kya tu ne mujhe dekha tha

ye mere tasawwur mein hairat-kada kis ka tha

ek aalam-e-be-rangi nazren thin na jalwa tha

tu wahm mein parde ke mahrum-e-tamasha tha

parda jise samjha tha ghafil wahi jalwa tha

har haal mere dil ka ek haal-e-musalsal hai

pahle bhi gham-e-farda mera gham-e-farda tha

bijli ki tarah wo to lahra ke hue pinhan

main kis se kahun mera maqsud-e-nazar kya tha

'simab' mohabbat ke aalam ka shikwa kya

insan pe mohabbat ka inam bhi kya kya tha