tujhe is rang mein kya barq-e-tajalla dekhen

tujhe is rañg meñ kyā barq-e-tajallā dekheñ

tuur par aag lage log tamāsha dekheñ

kis tarah ibrat-o-hairat kā tamāsha dekheñ

jis taraf aap ne dekhā hai udhar kyā dekheñ

DhūñDne vaale tirī diid se māyūs na hoñ

shām-e-ka.aba na sahī sub.h-e-kalīsā dekheñ

husn hai ālam-e-sad-rañg yahāñ sab kuchh hai

jo tumhāre haiñ vo kyuuñ jānib-e-duniyā dekheñ

ye havā.eñ ye ghaTā.eñ ye nahā.ī huī raat

be-takalluf mirā barsāt manānā dekheñ

karam-e-hazrat-e-zaidī ke nisār ai 'sīmāb'

ek muddat se tamannā thī ki iiTā dekheñ

tujhe is rang mein kya barq-e-tajalla dekhen

tur par aag lage log tamasha dekhen

kis tarah ibrat-o-hairat ka tamasha dekhen

jis taraf aap ne dekha hai udhar kya dekhen

DhunDne wale teri did se mayus na hon

sham-e-kaba na sahi subh-e-kalisa dekhen

husn hai aalam-e-sad-rang yahan sab kuchh hai

jo tumhaare hain wo kyun jaanib-e-duniya dekhen

ye hawaen ye ghaTaen ye nahai hui raat

be-takalluf mera barsat manana dekhen

karam-e-hazrat-e-zaidi ke nisar ai 'simab'

ek muddat se tamanna thi ki iTa dekhen