دید جمالِ حق ہوئی حسنِ نگار دیکھ کر

دید جمالِ حق ہوئی حسنِ نگار دیکھ کر

بن گئے بت پرست ہم صورتِ یار دیکھ کر

ایسا تھا حالِ بیکسی ان کو بھی رحم آ گیا

مجھ سے لپٹ گیے میری حالت زار دیکھ کر

جانے کہاں کہاں قدم رکھے میرے حضور نے

سجدے کیے ہیں جابجا ان کا دیار دیکھ کر

کب تھا نصیب میں سکوں، پہلے ہی حال تھا زبوں

بڑھ گئیں اور الجھنیں گیسوئے یار دیکھ کر

ویسے تو ہم نہ چل سکے اُن کے نشاں کے ساتھ ساتھ

بن گیے ہم غبارِ راہ، ناقۂ یار دیکھ کر

پہلے تو چپ کھڑے رہے سر کو جھکائے شرم سے

رو دیئے پھوٹ پھوٹ کر، میرا مزار دیکھ کر

ساجدؔ نظر جو آئے ہم یہ کیا، کیا چشِم یار نے

تیرِ نظر چلا دیا اپنا شکار دیکھ کر