meri hairat kyun tujhe manzur hai
merī hairat kyuuñ tujhe manzūr hai
dil meñ rah kar aañkh se mastūr hai
itnā vo zāhir huā ki chhup gayā
be-hijābī kā 'ajab dastūr hai
kis kā fatvā kaun suulī par chaḌhā
aap muftī aap hī mansūr hai
ai 'atā-e-yār maiñ sadqe tire
be-talab jholī mirī bharpūr hai
allāh-allāh kū-e-jānāñ kī zamīñ
zarra-zarra jalva-gāh-e-tūr hai
chashm-e-sāqī kī karāmat dekhiye
aaj vā'iz bhī nashe meñ chuur hai
jalva-farmā kaun hai ye mah-jabīñ
saarī mahfil aaj nūr-o-nūr hai
aur to kuchh bhī nahīñ 'sājid' ke paas
aap kī nisbat pe ye maġhrūr hai
meri hairat kyun tujhe manzur hai
dil mein rah kar aankh se mastur hai
itna wo zahir hua ki chhup gaya
be-hijabi ka 'ajab dastur hai
kis ka fatwa kaun suli par chaDha
aap mufti aap hi mansur hai
ai 'ata-e-yar main sadqe tere
be-talab jholi meri bharpur hai
allah-allah ku-e-jaanan ki zamin
zarra-zarra jalwa-gah-e-tur hai
chashm-e-saqi ki karamat dekhiye
aaj wa'iz bhi nashe mein chur hai
jalwa-farma kaun hai ye mah-jabin
sari mahfil aaj nur-o-nur hai
aur to kuchh bhi nahin 'sajid' ke pas
aap ki nisbat pe ye maghrur hai
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.