dil mein dilbar nahin to kuchh bhi nahin

dil meñ dilbar nahīñ to kuchh bhī nahīñ

yaar jab ghar nahīñ to kuchh bhī nahīñ

dil meñ kitnā hī dard ho lekin

chashm jab tar nahīñ to kuchh bhī nahīñ

'aql ho laakh hoshiyār magar

'ishq rahbar nahīñ to kuchh bhī nahīñ

shakl kitnī hī sūfiyāna ho

saaf andar nahīñ to kuchh bhī nahīñ

zāhirī ThāTh se hai kyā hāsil

dil sikandar nahīñ to kuchh bhī nahīñ

mat samajh apne aap ko qatra

tū samandar nahīñ to kuchh bhī nahīñ

aap maanā ki haiñ baḌe daatā

lutf ham par nahīñ to kuchh bhī nahīñ

saaf kar qalb ko jahāñ tak ho

ye jo behtar nahīñ to kuchh bhī nahīñ

'āshiqī aur phir talāsh-e-sukūñ

haal abtar nahīñ to kuchh bhī nahīñ

apne masjūd kā agar 'sājid'

tū maz.har nahīñ to kuchh bhī nahīñ

dil mein dilbar nahin to kuchh bhi nahin

yar jab ghar nahin to kuchh bhi nahin

dil mein kitna hi dard ho lekin

chashm jab tar nahin to kuchh bhi nahin

'aql ho lakh hoshiyar magar

'ishq rahbar nahin to kuchh bhi nahin

shakl kitni hi sufiyana ho

saf andar nahin to kuchh bhi nahin

zahiri ThaTh se hai kya hasil

dil sikandar nahin to kuchh bhi nahin

mat samajh apne aap ko qatra

tu samandar nahin to kuchh bhi nahin

aap mana ki hain baDe data

lutf hum par nahin to kuchh bhi nahin

saf kar qalb ko jahan tak ho

ye jo behtar nahin to kuchh bhi nahin

'ashiqi aur phir talash-e-sukun

haal abtar nahin to kuchh bhi nahin

apne masjud ka agar 'sajid'

tu mazhar nahin to kuchh bhi nahin