aashiq hai tu to phir na ho mail jagah-jagah
aashiq hai tu to phir na ho mail jagah-jagah
Shabbir Sajid Mehrvi
MORE BYShabbir Sajid Mehrvi
'āshiq hai tū to phir na ho maa.il jagah-jagah
dete nahīñ haiñ ahl-e-vafā dil jagah-jagah
zaḳhmī jagah-jagah kahīñ bismil jagah-jagah
charchā tere sitam kā hai qātil jagah-jagah
o bādshāh-e-husn maiñ terā faqīr huuñ
ḳhairāt de na kar mujhe saa.il jagah-jagah
terī nazar na ho to kinārā bhī mauj hai
gar ho terā karam to hai sāhil jagah-jagah
phir us ko hādisāt-e-zamāna kī fikr kyā
ho jis ke saath murshid-e-kāmil jagah-jagah
har baat pe mujhe hī na Thahrā qusūr-vār
tū bhī to mere saath thā shāmil jagah-jagah
vo to har ik maqām par 'sājid' 'ayāñ rahe
merā vajūd ho gayā haa.il jagah-jagah
'ashiq hai tu to phir na ho mail jagah-jagah
dete nahin hain ahl-e-wafa dil jagah-jagah
zaKHmi jagah-jagah kahin bismil jagah-jagah
charcha tere sitam ka hai qatil jagah-jagah
o baadshah-e-husn main tera faqir hun
KHairaat de na kar mujhe sail jagah-jagah
teri nazar na ho to kinara bhi mauj hai
gar ho tera karam to hai sahil jagah-jagah
phir us ko hadisat-e-zamana ki fikr kya
ho jis ke sath murshid-e-kaamil jagah-jagah
har baat pe mujhe hi na Thahra qusur-war
tu bhi to mere sath tha shamil jagah-jagah
wo to har ek maqām par 'sajid' 'ayan rahe
mera wajud ho gaya hail jagah-jagah
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
