manzil-e-’ishq mein jab rakha hai qadam har qadam ko baDhane ki koshish karo

manzil-e-’ishq meñ jab rakhā hai qadam har qadam ko baḌhāne kī koshish karo

zindagī kā sahīh lutf aa jā.egā tum mire saath aane kī koshish karo

nit na.e moḌ par zindagī ke sanam saath dene kī khaa.ī thī tum ne qasam

biitā bachpan javāñ ho ga.e haiñ jo tum apnā va.ada nibhāne kī koshish karo

kaliyāñ chaTkīñ khule phuul gulshan hañse hūreñ sharmā.eñ aur har fazā jhuum uTThe

jān-e-man zindagī ke na.e moḌ par ik nayā gul khilāne kī koshish karo

rashk-e-gulshan hai jān-e-bahār-e-hazīñ banñe paa.e na naqsh-e-qadam par zamīñ

gulistāñ kī havā bhī na paa.e havā yuuñ dabe paañv aane kī koshish karo

shaidā pahle bhī thā shaidā huuñ aaj bhī jab sikandar thā maiñ aaj bhī huuñ vahī

tum ko shak ho agar mere jazbāt par phir mujhe āzmāne kī koshish karo

manzil-e-’ishq mein jab rakha hai qadam har qadam ko baDhane ki koshish karo

zindagi ka sahih lutf aa jaega tum mere sath aane ki koshish karo

nit nae moD par zindagi ke sanam sath dene ki khai thi tum ne qasam

bita bachpan jawan ho gae hain jo tum apna wada nibhane ki koshish karo

kaliyan chaTkin khule phul gulshan hanse huren sharmaen aur har faza jhum uTThe

jaan-e-man zindagi ke nae moD par ek naya gul khilane ki koshish karo

rashk-e-gulshan hai jaan-e-bahaar-e-hazin banne pae na naqsh-e-qadam par zamin

gulistan ki hawa bhi na pae hawa yun dabe panw aane ki koshish karo

shaida pahle bhi tha shaida hun aaj bhi jab sikandar tha main aaj bhi hun wahi

tum ko shak ho agar mere jazbaat par phir mujhe aazmane ki koshish karo