ai sanam mujhko kisi se bhi sarokar nahin ba-KHuda tere siwa

ai sanam mujh ko kisī se bhī sarokār nahīñ ba-ḳhudā tere sivā

dīn-o-īmān se bhī matlab mujhe zinhār nahīñ maiñ to banda huuñ tirā

raas aa.ī na use baaġh kī bhī āb-o-havā ā’riza kuchh na ghaTā

achchhī hone kī bas ab nargis-e-bīmār nahīñ us kā hāfiz hai ḳhudā

ye vahī dil hai ki mā’shūqoñ kā thā madd-e-nazar thā hujūm aaTh pahar

ab vahī dil hai ke koī bhī ḳharīdār nahīñ aisā bāzār girā

nabz sāqit hī huī āñkheñ bhī haiñ chhat se lagīñ hai dam-e-bāz-pasīñ

zindagī ke mare ab koī bhī āsār nahīñ yuuñ to qādir hai ḳhudā

kaisā-kaisā tirī furqat meñ huā haal mirā tuune pūchhā na zarā

tujh sā be-rahm koī ai but-e-ayyār nahīñ aur agar hai to batā

apne begāne hue dost bane dushman-e-jāñ ḳhuun kā pyāsā hai jahāñ

ai sanam tū hī mirī shakl se bezār nahīñ ek a.alam hai ḳhafā

‘akbar’-e-ḳhasta se kah do ke vo tayyār rahe ham kamar bāñdh chuke

ab yahāñ rahne kā mauqa.a koī zinhār nahii. qāfila aage baḌhā

ai sanam mujh ko kisi se bhi sarokar nahin ba-KHuda tere siwa

din-o-iman se bhi matlab mujhe zinhaar nahin main to banda hun tera

ras aai na use bagh ki bhi aab-o-hawa aa’riza kuchh na ghaTa

achchhi hone ki bas ab nargis-e-bimar nahin us ka hafiz hai KHuda

ye wahi dil hai ki ma’shuqon ka tha madd-e-nazar tha hujum aaTh pahar

ab wahi dil hai ke koi bhi KHaridar nahin aisa bazar gira

nabz saqit hi hui aankhen bhi hain chhat se lagin hai dam-e-baz-pasin

zindagi ke mare ab koi bhi aasar nahin yun to qadir hai KHuda

kaisa-kaisa teri furqat mein hua haal mera tune puchha na zara

tujh sa be-rahm koi ai but-e-ayyar nahin aur agar hai to bata

apne begane hue dost bane dushman-e-jaan KHun ka pyasa hai jahan

ai sanam tu hi meri shakl se bezar nahin ek aalam hai KHafa

‘akbar’-e-KHasta se kah do ke wo tayyar rahe hum kamar bandh chuke

ab yahan rahne ka mauqa koi zinhaar nahi qafila aage baDha