kafir hain na hum aur na dindar hain yaro

kāfir haiñ na ham aur na dīñdār haiñ yaaro

ham 'ishq ke maz.hab ke parastār haiñ yaaro

ik 'umr se 'āshiq haiñ ham us zulf-e-dotā ke

is daam meñ muddat se giraftār haiñ yaaro

jo chāhe kare jaur-o-jafā ham pe vo dilbar

ham us kī mohabbat ke gunahgār haiñ yaaro

sehat nahīñ hone kī falātūñ kī davā se

ham nargis-e-bīmār ke bīmār haiñ yaaro

zinda hameñ kar saktā nahīñ hai dam-e-'īsā

ham kushta-e-mizh.gāñ dil-āzār haiñ yaaro

har chand ki vo le gayā hai hosh hamārā

par ḳhuub hameñ samjho ki hushyār haiñ yaaro

ḳhvāhish na hameñ sāya-e-tūbā kī hai hargiz

ham banda-e-'ishq-e-qad-e-dildār haiñ yaaro

jab se ki lagā haath hai us zulf kā yak taar

ham munharif az sub.ha-o-zunnār haiñ yaaro

mujh ’āsim-e-be-dil se jo pūchheñge kahūñgā

ham to shah-e-ḳhādim ke talab-gār haiñ yaaro

kafir hain na hum aur na dindar hain yaro

hum 'ishq ke mazhab ke parastar hain yaro

ek 'umr se 'ashiq hain hum us zulf-e-dota ke

is dam mein muddat se giraftar hain yaro

jo chahe kare jaur-o-jafa hum pe wo dilbar

hum us ki mohabbat ke gunahgar hain yaro

sehat nahin hone ki falatun ki dawa se

hum nargis-e-bimar ke bimar hain yaro

zinda hamein kar sakta nahin hai dam-e-'isa

hum kushta-e-mizhgan dil-azar hain yaro

har chand ki wo le gaya hai hosh hamara

par KHub hamein samjho ki hushyar hain yaro

KHwahish na hamein saya-e-tuba ki hai hargiz

hum banda-e-'ishq-e-qad-e-dildar hain yaro

jab se ki laga hath hai us zulf ka yak tar

hum munharif az subha-o-zunnar hain yaro

mujh ’asim-e-be-dil se jo puchhenge kahunga

hum to shah-e-KHadim ke talab-gar hain yaro