pine do mujhe KHun-e-dil aaram yahi hai

piine do mujhe ḳhūn-e-dil ārām yahī hai

mere liye bus bāda-e-gulfām yahī hai

pur-dard mujhe rahne do ārām yahī hai

gum-nām mujhe chhoḌ do bus naam yahī hai

meñ sab ko samajhtā huuñ ba-dil apne se behtar

chhoTā maiñ rahūñ sab se baḌā kaam yahī hai

pūjūñ maiñ tujhī ko sanam is dair meñ din-rāt

īmān yahī hai mirā islām yahī hai

jaañ de ke maiñ ab khūcha-e-jānāñ meñ huuñ pahuñchā

āġhāz meñ bus 'ishq kā anjām yahī hai

nik.hat se tirī zulf kī ho jaatā huuñ be-ḳhud

'ālam meñ mere dil ke liye daam yahī hai

mar jā.ūñgā ’ishq-e-shah-e-kHādim meñ maiñ 'āsim'

mere liye is dahr meñ bus naam yahī hai

pine do mujhe KHun-e-dil aaram yahi hai

mere liye bus baada-e-gulfam yahi hai

pur-dard mujhe rahne do aaram yahi hai

gum-nam mujhe chhoD do bus nam yahi hai

mein sab ko samajhta hun ba-dil apne se behtar

chhoTa main rahun sab se baDa kaam yahi hai

pujun main tujhi ko sanam is dair mein din-raat

iman yahi hai mera islam yahi hai

jaan de ke main ab khucha-e-jaanan mein hun pahuncha

aaghaz mein bus 'ishq ka anjam yahi hai

nikhat se teri zulf ki ho jata hun be-KHud

'alam mein mere dil ke liye dam yahi hai

mar jaunga ’ishq-e-shah-e-kHadim mein main 'asim'

mere liye is dahr mein bus nam yahi hai