mujhe mushkil hai tujhe pas bulana jaana

mujhe mushkil hai tujhe paas bulānā jaanā

tū agar chāhe to āsān hai aanā jaanā

vo to be-dil hai jise apnā meñ jānāñ jaanā

huā begāna jise ham ne yagāna jaanā

mil na mil mujh se magar tā-ba-mulāqāt kabhī

dil se is banda ko hargiz na bhulānā jaanā

phirā bhuterā bhaTaktā huā bas ākHir kaar

tire kūcha ke ta.iiñ apnā Thikāna jaanā

jo phirā tujh se to be-shub.h ḳhudā se maiñ phirā

tire bā'is hai mujhe saarā zamāna jaanā

ik mulāqāt hai rūhānī-o-gar jismānī

kisī sūrat se vo sūrat ko dikhānā jaanā

mahfil yaar meñ 'kHāmosh' hai lāzim tujh ko

misl-e-parvāna par-o-bāl jalānā jaanā

mujhe mushkil hai tujhe pas bulana jaana

tu agar chahe to aasan hai aana jaana

wo to be-dil hai jise apna mein jaanan jaana

hua begana jise hum ne yagana jaana

mil na mil mujh se magar ta-ba-mulaqat kabhi

dil se is banda ko hargiz na bhulana jaana

phira bhutera bhaTakta hua bas aakHir kar

tere kucha ke tain apna Thikana jaana

jo phira tujh se to be-shubh KHuda se main phira

tere ba'is hai mujhe sara zamana jaana

ek mulaqat hai ruhani-o-gar jismani

kisi surat se wo surat ko dikhana jaana

mahfil yar mein 'kHamosh' hai lazim tujh ko

misl-e-parwana par-o-baal jalana jaana