rang de ai mere maula rang de
rañg de ai mere maulā rañg de
rañg de ai mere aaqā rañg de
ye libās-e-zīst aisā rañg de
tā-qiyāmat ho na mailā rañg de
rañg de aur is balā kā rañg de
jo fanā meñ bhī baqā kā rañg de
chain mere dil ko us vaqt aa.egā
jaisā tū hai mujh ko vaisā rañg de
bas mujhe to ab yahī manzūr hai
sab ko rañg duuñ mujh ko aisā rañg de
apne rañg-e-ārzū meñ jān-e-man
merā dāmān-e-tamannā rañg de
merī ḳhvāhish go tujhe ma.alūm hai
mujh ko us se bhī ziyāda rañg de
sadqa-e-me'rāj-e-pāk-e-mustafā
rañg de merā sarāpā rañg de
rañg vo de jo ki har ik rañg meñ
apnī rañgat kā nirālā rañg de
us 'valī' ko ai ḳhudā-e-zul-jalāl
vahdat-o-kasrat kā do-gunā rañg de
rang de ai mere maula rang de
rang de ai mere aaqa rang de
ye libas-e-zist aisa rang de
ta-qiyamat ho na maila rang de
rang de aur is bala ka rang de
jo fana mein bhi baqa ka rang de
chain mere dil ko us waqt aaega
jaisa tu hai mujh ko waisa rang de
bas mujhe to ab yahi manzur hai
sab ko rang dun mujh ko aisa rang de
apne rang-e-arzu mein jaan-e-man
mera daman-e-tamanna rang de
meri KHwahish go tujhe malum hai
mujh ko us se bhi ziyaada rang de
sadqa-e-me'raj-e-pak-e-mustafa
rang de mera sarapa rang de
rang wo de jo ki har ek rang mein
apni rangat ka nirala rang de
us 'wali' ko ai KHuda-e-zul-jalal
wahdat-o-kasrat ka do-guna rang de
- Book : Kalaam-e-wali wali-ul-kalam (Pg. 87)
- Author : Shah Muhammad Wali-ur-rahman
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
