jab tak ki tera qalb musaffa nahin hota

jab tak ki tirā qalb musaffā nahīñ hotā

jalva ruḳh-e-dil-dār kā puurā nahīñ hotā

us jā huuñ jahāñ nuqta-e-bā tā nahīñ hotā

asmā to kujā balki musammā nahīñ hotā

har dam meñ jalātā huuñ nayā ek maiñ a.alam

ab mujh se koī baḌh ke masīhā nahīñ hotā

idrāk bhī khātā hai vahāñ par ka.ī ġhote

aisā koī tūfān kā dariyā nahīñ hotā

ḳhud aake tanazzul meñ kamāl aap kā paayā

gar aap se meñ aap ye shaidā nahīñ hotā

ḳhud pūjtā hai mujh ko to ab vo but-e-be-dīñ

is kufr kā kāfir koī aisā nahīñ hotā

allāh nafī hote hī banda huā isbāt

isbāt se allāh kī banda nahīñ hotā

'saudā-gar'-e-ahqar hai ġhulām-e-shah-e-mirzā

aisā koī dārain meñ maulā nahīñ hotā

jab tak ki tera qalb musaffa nahin hota

jalwa ruKH-e-dil-dar ka pura nahin hota

us ja hun jahan nuqta-e-ba ta nahin hota

asma to kuja balki musamma nahin hota

har dam mein jalata hun naya ek main aalam

ab mujh se koi baDh ke masiha nahin hota

idrak bhi khata hai wahan par kai ghote

aisa koi tufan ka dariya nahin hota

KHud aake tanazzul mein kamal aap ka paya

gar aap se mein aap ye shaida nahin hota

KHud pujta hai mujh ko to ab wo but-e-be-din

is kufr ka kafir koi aisa nahin hota

allah nafi hote hi banda hua isbaat

isbaat se allah ki banda nahin hota

'sauda-gar'-e-ahqar hai ghulam-e-shah-e-mirza

aisa koi darain mein maula nahin hota