yar ka milna bahut mushkil bhi hai aasan bhi hai
yar ka milna bahut mushkil bhi hai aasan bhi hai
Shah Siddique Saudagar
MORE BYShah Siddique Saudagar
yaar kā milnā bahut mushkil bhī hai āsān bhī hai
'āshiqī nibhnā bahut mushkil bhī hai āsān bhī hai
us kun fakāñ ke raaz ko us be-zabāñ āvāz ko
be-gosh ke sunñā bahut mushkil bhī hai āsān bhī hai
vo 'ain us kā jab se hai ye ġhair us kātib se hai
un kī duī miTnā bahut mushkil bhī hai āsān bhī hai
tanzīh misl-e-bahar hai tashbīh us kī lahr hai
donoñ kā ek dikhnā bahut mushkil bhī hai āsān bhī hai
vahdat meñ kasrat shaan hai kasrat meñ vahdat aan hai
har ik baham milnā bahut mushkil bhī hai āsān bhī hai
itlāq bhī ik qaid hai har qaid meñ ik said hai
us said kā uḌnā bahut mushkil bhī hai āsān bhī hai
'saudā-gar' ab phirtā jidhar aatā nazar mirzā udhar
aisī nazar banñā bahut mushkil bhī hai āsān bhī hai
yar ka milna bahut mushkil bhi hai aasan bhi hai
'ashiqi nibhna bahut mushkil bhi hai aasan bhi hai
us kun fakan ke raaz ko us be-zaban aawaz ko
be-gosh ke sunna bahut mushkil bhi hai aasan bhi hai
wo 'ain us ka jab se hai ye ghair us katib se hai
un ki dui miTna bahut mushkil bhi hai aasan bhi hai
tanzih misl-e-bahar hai tashbih us ki lahr hai
donon ka ek dikhna bahut mushkil bhi hai aasan bhi hai
wahdat mein kasrat shan hai kasrat mein wahdat aan hai
har ek baham milna bahut mushkil bhi hai aasan bhi hai
itlaq bhi ek qaid hai har qaid mein ek said hai
us said ka uDna bahut mushkil bhi hai aasan bhi hai
'sauda-gar' ab phirta jidhar aata nazar mirza udhar
aisi nazar banna bahut mushkil bhi hai aasan bhi hai
- Book : Diwan-e-Saudagar (Pg. 111)
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
