ram jab wo but tera ho jaega

raam jab vo but tirā ho jā.egā

ik jahāñ kā tū ḳhudā ho jā.egā

ālam-e-bālā se baalā jaake dekh

hosh vaañ terā ḳhatā ho jā.egā

gar ho tū mausūf-e-bā-vasf-e-kHudā

kal pe bas qabza terā ho jā.egā

tujh meñ vo baaqī ho tū us meñ fanā

jab hī tū allah-numā ho jā.egā

pā gayā idrāk jo zulmāt kā

nuur us kā zer-e-pā ho jā.egā

'ishq'-e-mirzā meñ ye ‘saudā-gar’ ḳhud hī

rafta rafta mīrzā ho jā.egā

ram jab wo but tera ho jaega

ek jahan ka tu KHuda ho jaega

aalam-e-baala se baala jake dekh

hosh wan tera KHata ho jaega

gar ho tu mausuf-e-ba-wasf-e-kHuda

kal pe bas qabza tera ho jaega

tujh mein wo baqi ho tu us mein fana

jab hi tu allah-numa ho jaega

pa gaya idrak jo zulmat ka

nur us ka zer-e-pa ho jaega

'ishq'-e-mirza mein ye ‘sauda-gar’ KHud hi

rafta rafta mirza ho jaega