mai-e-irfan zuhur hai mera

mai-e-irfāñ zuhūr hai merā

be-ḳhudī ik shu.ūr hai merā

lā-makāñ ke pare nikal jaanā

ye hī har dam ubuur hai merā

rabbī-arenī kī kyā zarūrat hai

dil par nūr-e-tūr hai merā

anā ḳhairun hai da.ava-e-iblīs

ḳhāksārī ġhurūr hai merā

ek hī sū pe kuchh nahīñ mauqūf

shash jihat meñ huzūr hai merā

ġhair kā hai vajūd ġhair zarūr

ek honā zarūr hai merā

lafz-e-kun se huā huuñ maiñ zāhir

aur 'ālam-e-zuhūr se merā

shaah mirzā hai piir 'saudā-gar'

yahī sadr-e-sudūr hai merā

mai-e-irfan zuhur hai mera

be-KHudi ek shuur hai mera

la-makan ke pare nikal jaana

ye hi har dam ubur hai mera

rabbi-areni ki kya zarurat hai

dil par nur-e-tur hai mera

ana KHairun hai dawa-e-iblis

KHaksari ghurur hai mera

ek hi su pe kuchh nahin mauquf

shash jihat mein huzur hai mera

ghair ka hai wajud ghair zarur

ek hona zarur hai mera

lafz-e-kun se hua hun main zahir

aur 'alam-e-zuhur se mera

shah mirza hai pir 'sauda-gar'

yahi sadr-e-sudur hai mera