مئے عرفاں ظہور ہے میرا

مئے عرفاں ظہور ہے میرا

بے خودی اک شعور ہے میرا

لا مکاں کے پرے نکل جانا

یہ ہی ہر دم عبور ہے میرا

رب ارنی کی کیا ضرورت ہے

دل پر نور طور ہے میرا

انا خیر ہے دعوی ابلیس

خاکساری غرور ہے میرا

ایک ہی سو پہ کچھ نہیں موقوف

شش جہت میں حضور ہے میرا

غیر کا ہے وجود غیر ضرور

ایک ہونا ضرور ہے میرا

لفظ کن سے ہوا ہوں میں ظاہر

اور عالم ظہور سے میرا

شاہ مرزا ہے پیر سوداگرؔ

یہی صدر صدور ہے میرا