har-dam tilawat-e-rukH-e-jaanan hai aaj-kal

har-dam tilāvat-e-rukH-e-jānāñ hai āj-kal

apnā to diin hai yahī īmāñ hai āj-kal

kyā sar hai us meñ jis kā ḳhudā hī aliim hai

marġhūb dil jo sūrat-e-insān hai āj-kal

huuñ soḳhta tajallī-e-tābāñ kī taab se

tābāñ nazar meñ jo mah-e-tābāñ hai āj-kal

mumkin nahīñ barāt ki ġhalba se ishq ke

chaah meñ paḌā jo yūsuf-e-kan.āñ hai āj-kal

aisā hai vo jamīl ki jis ke jamāl se

hairat nasīb dīda-e-hairāñ hai āj-kal

hai be-navā ġharīb ye 'saudā-gar' ai buto

us ko to sirf himmat-e-jānāñ hai āj-kal

har-dam tilawat-e-rukH-e-jaanan hai aaj-kal

apna to din hai yahi iman hai aaj-kal

kya sar hai us mein jis ka KHuda hi alim hai

marghub dil jo surat-e-insan hai aaj-kal

hun soKHta tajalli-e-taban ki tab se

taban nazar mein jo mah-e-taban hai aaj-kal

mumkin nahin baraat ki ghalba se ishq ke

chah mein paDa jo yusuf-e-kanan hai aaj-kal

aisa hai wo jamil ki jis ke jamal se

hairat nasib dida-e-hairan hai aaj-kal

hai be-nawa gharib ye 'sauda-gar' ai buto

us ko to sirf himmat-e-jaanan hai aaj-kal