ہر دم تلاوت رخ جاناں ہے آج کل

ہر دم تلاوت رخ جاناں ہے آج کل

اپنا تو دین ہے یہی ایماں ہے آج کل

کیا سر ہے اس میں جس کا خدا ہی علیم ہے

مرغوب دل جو صورت انسان ہے آج کل

ہوں سوختہ تجلی تاباں کی تاب سے

تاباں نظر میں جو مہ تاباں ہے آج کل

ممکن نہیں برات کہ غلبہ سے عشق کے

چاہ میں پڑا جو یوسف کنعاں ہے آج کل

ایسا ہے وہ جمیل کہ جس کے جمال سے

حیرت نصیب دیدہ حیراں ہے آج کل

ہے بے نوا غریب یہ سوداگرؔ اے بتو

اس کو تو صرف ہمت جاناں ہے آج کل