aata nazar hai jalwa-e-didar har taraf

aatā nazar hai jalva-e-dīdār har taraf

dīdār-e-ainamā ke haiñ anvār har taraf

tarz-e-kHirām-e-nāz se lākhoñ haiñ pā.emāl

us shoḳh fitna-gar kī hai raftār har taraf

itne pilā.e ham ko mai-e-be-ḳhudī ke jaam

msatānā-vār phirte haiñ mai-ḳhvār har taraf

lākhoñ shahīd hote haiñ bismil hazār-hā

abrū kī jab chamaktī hai talvār har taraf

chhā.ī ghaTā hai aur chamaktī haiñ bijliyāñ

bārān-e-nūr barse hai har baar har taraf

yūsuf kā sirf ek zuleḳhā ko 'ishq thā

us shoḳh ke yahāñ haiñ ḳharīdār har taraf

hajda hazār ḳhalq meñ aadam ḳhalīfa hai

tasḳhīr meñ hai us ke ye darbār har taraf

ḳhvāja pahāḌī chal ke mai-e-’ishqīya to pī

dekhegā chashm-e-mast se sarshār har taraf

dīdār-e-yār ho gayā 'saudā-gar' ab nasīb

aatī nazar hai sūrat-e-'saudā-gar’ har taraf

aata nazar hai jalwa-e-didar har taraf

didar-e-ainama ke hain anwar har taraf

tarz-e-kHiram-e-naz se lakhon hain paemal

us shoKH fitna-gar ki hai raftar har taraf

itne pilae hum ko mai-e-be-KHudi ke jam

msatana-war phirte hain mai-KHwar har taraf

lakhon shahid hote hain bismil hazar-ha

abru ki jab chamakti hai talwar har taraf

chhai ghaTa hai aur chamakti hain bijliyan

baran-e-nur barse hai har bar har taraf

yusuf ka sirf ek zuleKHa ko 'ishq tha

us shoKH ke yahan hain KHaridar har taraf

hajda hazar KHalq mein aadam KHalifa hai

tasKHir mein hai us ke ye darbar har taraf

KHwaja pahaDi chal ke mai-e-’ishqiya to pi

dekhega chashm-e-mast se sarshaar har taraf

didar-e-yar ho gaya 'sauda-gar' ab nasib

aati nazar hai surat-e-'sauda-gar’ har taraf