ساقی سے نگاہیں لڑتے ہی ہم زیست کا ساماں بھول گیے

ساقی سے نگاہیں لڑتے ہی ہم زیست کا ساماں بھول گیے

ساغر کی تمنا ہی نہ رہی پیمانے کا ارماں بھول گیے

ساحل سے تعلق کیا چھوڑا ہم خود سے پھنسے ہیں موجوں میں

کس سمت کو کشتی جاتی ہے کس سمت ہے طوفاں بھول گیے

وہ آہ نہ آئی ہونٹوں تک جس میں کہ تھا سارا راز دلی

ہم کہنے جو بیٹھے قصۂ غم قصے ہی کا عنواں بھول گیے

اک شامِ الم اک صبحِ الم قسمت سے ملی تھی ان کی قسم

اک خوابِ پریشاں یاد رہا اک خواب پریشاں بھول گیے

کیوں آج ہی یہ پردہ پوشی کیوں بخشی ہی اس کو مدہوشی

جو رازؔ سے تم نے باندھا تھا شاید کہ وہ پیماں بھول گیے