hum pi ke jo jam-e-mai saqi badmast chale mai-KHane se
hum pi ke jo jam-e-mai saqi badmast chale mai-KHane se
Shah Taqi Raaz Barelvi
MORE BYShah Taqi Raaz Barelvi
ham pī ke jo jām-e-mai saaqī badmast chale mai-ḳhāne se
apne se to ham ne kuchh na kahā har baat kahī begāne se
tū aa ke haram se ai zāhid ab sū-e-butāñ kyuuñ jaatā hai
ham samt-e-haram ab jaate haiñ jab aa bhī chuke but-ḳhāne se
hai aañkh hī terī mai-ḳhāna hai terī nazar hī paimāna
ham ko jo pilātā hai saaqī lillāh usī paimāne se
muddat meñ bahāreñ aa.ī haiñ 'ishrat kī ghaTā.eñ chhā.ī haiñ
aa.e ho to ab kuchh to Thahro jaao na mire kāshāne se
ye ahl-e-ḳhirad kyā samjheñge ye ahl-e-nazar kyā jāneñge
ai raaz hamārā raaz hai kyā pūchho ye kisī dīvāne se
hum pi ke jo jam-e-mai saqi badmast chale mai-KHane se
apne se to hum ne kuchh na kaha har baat kahi begane se
tu aa ke haram se ai zahid ab su-e-butan kyun jata hai
hum samt-e-haram ab jate hain jab aa bhi chuke but-KHane se
hai aankh hi teri mai-KHana hai teri nazar hi paimana
hum ko jo pilata hai saqi lillah usi paimane se
muddat mein bahaaren aai hain 'ishrat ki ghaTaen chhai hain
aae ho to ab kuchh to Thahro jao na mere kashane se
ye ahl-e-KHirad kya samjhenge ye ahl-e-nazar kya jaanenge
ai raaz hamara raaz hai kya puchho ye kisi diwane se
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
