parda-e-shauq hai yahi surat-e-raaz hai yahi

parda-e-shauq hai yahī sūrat-e-rāz hai yahī

tum ho nazar ke sāmne merī namāz hai yahī

terī 'atā kī ḳhūbiyāñ merī talab meñ bhī nahīñ

bandagī ḳhud pukār uThī banda-navāz hai yahī

jalva-o-jalva-gar yahī shāhid-e-har nazar yahī

jalva-numā yahī to hai jalva-tarāz hai yahī

vasl meñ bhī tapāñ huuñ maiñ jalvoñ meñ gum huā huuñ maiñ

ġham meñ bhī hañs rahā huuñ maiñ ’ain-e-gudāz hai yahī

ahl-e-jahāñ ko kyā ḳhabar kaun hai mujh meñ jalva-gar

maiñ huuñ kahāñ tumhīñ to ho asal meñ raaz hai yahī

parda-e-shauq hai yahi surat-e-raaz hai yahi

tum ho nazar ke samne meri namaz hai yahi

teri 'ata ki KHubiyan meri talab mein bhi nahin

bandagi KHud pukar uThi banda-nawaz hai yahi

jalwa-o-jalwa-gar yahi shahid-e-har nazar yahi

jalwa-numa yahi to hai jalwa-taraaz hai yahi

wasl mein bhi tapan hun main jalwon mein gum hua hun main

gham mein bhi hans raha hun main ’ain-e-gudaz hai yahi

ahl-e-jahan ko kya KHabar kaun hai mujh mein jalwa-gar

main hun kahan tumhin to ho asal mein raaz hai yahi