جہاں کے راز داں تم ہو جہاں کا راز داں میں ہوں

جہاں کے راز داں تم ہو جہاں کا راز داں میں ہوں

جہاں وہ ہے جہاں تم ہو جہاں وہ ہے جہاں میں ہوں

قیامت کر رہی ہے یہ تری آئینہ سامانی

ابھی تک محوِ حیرت ہوں ابھی تک بے زباں میں ہوں

کسی عالم میں بھی میرا الگ ہونا نہیں ممکن

جو عین داستاں تم ہو تو شرحِ داستاں میں ہوں

پتہ کب تھا مجھے اس کا کہ میں بھی رند و ساقی ہوں

خبر اس کی نہ تھی مجھ کو شرابِ ارغواں میں ہوں

ابھی تک رازؔ گر تم کو سمجھتے ہیں جہاں والے

کہیں تم یہ نہ کہہ دینا کہ رازِ دو جہاں میں ہوں