amiron ko hai gar amiri pe naz

amīroñ ko hai gar amīrī pe naaz

faqīroñ ko bhī hai faqīrī pe naaz

jo zulf-e-siyah meñ huā hai asiir

vo karatā hai apnī asīrī pe naaz

hukūmat pe nāzāñ the jo is qadar

gayā uḌ sab un kā taġhayyurī pe naaz

ḳhudā ne jise pīr-o-murshid kiyā

nahīñ us ko kuchh apnī piirī pe naaz

mujhe dast-e-bai' apnā kar le 'turāb'

karūñ maiñ tirī dast-gīrī pe naaz

amiron ko hai gar amiri pe naz

faqiron ko bhi hai faqiri pe naz

jo zulf-e-siyah mein hua hai asir

wo karata hai apni asiri pe naz

hukumat pe nazan the jo is qadar

gaya uD sab un ka taghayyuri pe naz

KHuda ne jise pir-o-murshid kiya

nahīñ us ko kuchh apni piri pe naz

mujhe dast-e-bai' apna kar le 'turab'

karun main teri dast-giri pe naz