Sufinama

jahan mein dost kya sab hain hamare

Shah Turab Ali Qalandar

jahan mein dost kya sab hain hamare

Shah Turab Ali Qalandar

MORE BYShah Turab Ali Qalandar

    jahāñ meñ dost kyā sab haiñ hamāre

    jo aqrab haiñ so aqrab haiñ hamāre

    hameñ ġhairoñ se kyā ummīd-e-yārī

    vo itne āshnā kab haiñ hamāre

    mohabbat meñ kisī se kyā kaheñ ham

    jo kuchh āmāl-o-kartab haiñ hamāre

    ilāhī ḳhūb-rūyoñ se bachānā

    vo dushman dil ke beDhab haiñ hamāre

    kahāñ ham aur kahāñ farhād-o-majnūñ

    ye donoñ tifl-e-maktab haiñ hamāre

    jab is ke ghar gayā bolā ki chal be

    bahut aise muqarrab haiñ hamāre

    kabhī ik din na us ke muñh se niklā

    ye hamdam haiñ musāhib haiñ hamāre

    'turāb' us talab hai farz ham par

    hazāroñ jis se matlab haiñ hamāre

    jahan mein dost kya sab hain hamare

    jo aqrab hain so aqrab hain hamare

    hamein ghairon se kya ummid-e-yari

    wo itne aashna kab hain hamare

    mohabbat mein kisi se kya kahen hum

    jo kuchh aamal-o-kartab hain hamare

    ilahi KHub-ruyon se bachana

    wo dushman dil ke beDhab hain hamare

    kahan hum aur kahan farhad-o-majnun

    ye donon tifl-e-maktab hain hamare

    jab is ke ghar gaya bola ki chal be

    bahut aise muqarrab hain hamare

    kabhi ek din na us ke munh se nikla

    ye hamdam hain musahib hain hamare

    'turab' us ki talab hai farz hum par

    hazaron jis se matlab hain hamare

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now