main pir-e-ishq hun majnun murid hai mera

maiñ pīr-e-ishq huuñ majnūñ murīd hai merā

vo āshiqī meñ ḳhalīfa rashīd hai merā

farefta huuñ maiñ jis par vo hai fidā mujh par

ye husn-e-tāle'-o-bakHt-e-sa.īd hai merā

tujhe ho ii.d mubārak mujhe galle se lagā

na kar hijāb ye in.ām-e-ī.d hai merā

kahā ayaaz ne ma.ashūq ban ke maulā se

miyāñ tū banda-e-be-zar-kHarīd hai merā

tū sūrat apnī chhupā kar mujhe sunātā hai

nazar ba-ḳhair tasavvur mufīd hai merā

karam se tere to nazdīk hai kisī din aa

na soch ghar se tire ghar ba.iid hai merā

vo kaan dhar ke mirā mājrā sune to kahūñ

na.ī kahānī hai qissa jadīd hai merā

'turāb' kis se muḳhātab ho kal vo kahtā thā

ye teġh-e-ishq kā maarā shahīd hai merā

main pir-e-ishq hun majnun murid hai mera

wo aashiqi mein KHalifa rashid hai mera

farefta hun main jis par wo hai fida mujh par

ye husn-e-tale'-o-bakHt-e-said hai mera

tujhe ho id mubarak mujhe galle se laga

na kar hijab ye inam-e-id hai merā

kaha ayaz ne mashuq ban ke maula se

miyan tu banda-e-be-zar-kHarid hai mera

tu surat apni chhupa kar mujhe sunata hai

nazar ba-KHair tasawwur mufid hai mera

karam se tere to nazdik hai kisi din aa

na soch ghar se tere ghar baid hai mera

wo kan dhar ke mera majra sune to kahun

nai kahani hai qissa jadid hai mera

'turab' kis se muKHatab ho kal wo kahta tha

ye tegh-e-ishq ka mara shahid hai mera