roti hai shabnam ki nairang-e-jahan kuchh bhi nahin

rotī hai shabnam ki nairañg-e-jahāñ kuchh bhī nahīñ

hañs rahe haiñ gul ki ran.g-e-bostāñ kuchh bhī nahīñ

jin ke mahloñ meñ hazāroñ rañg ke fānūs the

jhaaḌ un kī qabr par haiñ aur nishāñ kuchh bhī nahīñ

jin kī naubat kī sadā se gūñjtā thā āsmāñ

chup paḌe haiñ qabr meñ vo hoñ vahāñ kuchh bhī nahīñ

taḳht vāloñ kā nishāñ dete haiñ tujhe de

is qadar hai naam baaqī aur nishāñ kuchh bhī nahīñ

gor ke muñh kā nivāla ho gayā bahrām-gor

qabr kī baġhlī se chitt haiñ pahlvāñ kuchh bhī nahīñ

haiñ kahāñ daarā sikandar jam kahāñ 'vāris' 'alī

ik faqat hai naam baaqī aur nishāñ kuchh bhī nahīñ

roti hai shabnam ki nairang-e-jahan kuchh bhi nahin

hans rahe hain gul ki rang-e-bostan kuchh bhi nahin

jin ke mahlon mein hazaron rang ke fanus the

jhaD un ki qabr par hain aur nishan kuchh bhi nahin

jin ki naubat ki sada se gunjta tha aasman

chup paDe hain qabr mein wo hon wahan kuchh bhi nahin

taKHt walon ka nishan dete hain tujhe de

is qadar hai nam baqi aur nishan kuchh bhi nahin

gor ke munh ka niwala ho gaya bahram-gor

qabr ki baghli se chitt hain pahlwan kuchh bhi nahin

hain kahan dara sikandar jam kahan 'waris' 'ali

ek faqat hai nam baqi aur nishan kuchh bhi nahin