mere hi gham ki tarjuman-e-fitrat hai diwana ho

mere hī ġham kī tarjumān-e-fitrat hai dīvāna ho

mujh ko vo dāstāñ sunā jo merī dāstāñ na ho

'ishq-e-junūñ-navāz sun tujh pe agar garāñ na ho

husn to be-naqāb hai tū hī jo darmiyāñ na ho

pesh-e-rah-e-nigāh hai duur kuchh ik ġhubār sā

jis kī mujhe talāsh hai ye vahī kārvāñ na ho

merī masarratoñ meñ thā jalva-e-dahar bhī sharīk

mujh ko miTā ke mutma.in ai ġham-e-nā-gahāñ na ho

husn kī bārgāh meñ jabr kā naam 'ishq hai

ġham ho magar gila na ho dil ho magar zabāñ na ho

ātish-e-zabt se mafar yuuñ to fuġhāñ meñ hai magar

haa.e vo nā-tavāñ jise hausla-e-fuġhāñ na ho

sher-o-adab ko aaj bhī sinf-e-ġhazal pe naaz hai

sa'ī-e-muhā-e-sad 'shakīl' sa'ī-e-rā.igāñ na ho

mere hi gham ki tarjuman-e-fitrat hai diwana ho

mujh ko wo dastan suna jo meri dastan na ho

'ishq-e-junun-nawaz sun tujh pe agar garan na ho

husn to be-naqab hai tu hi jo darmiyan na ho

pesh-e-rah-e-nigah hai dur kuchh ek ghubar sa

jis ki mujhe talash hai ye wahi karwan na ho

meri masarraton mein tha jalwa-e-dahar bhi sharik

mujh ko miTa ke mutmain ai gham-e-na-gahan na ho

husn ki bargah mein jabr ka nam 'ishq hai

gham ho magar gila na ho dil ho magar zaban na ho

aatish-e-zabt se mafar yun to fughan mein hai magar

hae wo na-tawan jise hausla-e-fughan na ho

sher-o-adab ko aaj bhi sinf-e-ghazal pe naz hai

sa'i-e-muha-e-sad 'shakil' sa'i-e-raigan na ho