shauq se nakaami ki badaulat kucha-e-dil bhi chhuT gaya
shauq se nākāmī kī badaulat kūcha-e-dil bhī chhūT gayā
saarī ummīdeñ TuuT ga.iiñ dil baiTh gayā jī chhūT gayā
manzil-e-'ishq pe tanhā pahuñche koī tamannā saath na thī
thak-thak kar is raah meñ āḳhir ik-ik sāthī chhūT gayā
fasl-e-gul aa.ī yā ajal aa.ī kyuuñ dar-e-zindāñ khultā hai
yā koī vahshī aur aa pahuñchā yā koī qaidī chhūT gayā
'fānī' ham to jiite jī vo mayyat haiñ be-gor-o-kafan
ġhurbat jis ko raas na aa.ī aur vatan bhī chhūT gayā
shauq se nakaami ki badaulat kucha-e-dil bhi chhuT gaya
sari ummiden TuT gain dil baiTh gaya ji chhuT gaya
manzil-e-'ishq pe tanha pahunche koi tamanna sath na thi
thak-thak kar is rah mein aaKHir ik-ik sathi chhuT gaya
fasl-e-gul aai ya ajal aai kyun dar-e-zindan khulta hai
ya koi wahshi aur aa pahuncha ya koi qaidi chhuT gaya
'fani' hum to jite ji wo mayyat hain be-gor-o-kafan
ghurbat jis ko ras na aai aur watan bhi chhuT gaya
- Book : Surood-e-Ruhani (Pg. 243)
- Author : Meraj Ahmed Nizami
- Edition : Second
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
