ruh be-chain hai qalib mein to parda kaisa

ruuh be-chain hai qālib meñ to pardā kaisā

rāz-e-dil apne masīhā se chhupānā kaisā

ḳhud vo dīvāna hai jo mujh ko kahe dīvāna

har jagah hai mirī vahshat kā ye charchā kaisā

kahā lailā ne ki ai qais zarā hosh meñ aa

tinke chuntā phire insān ye saudā kaisā

kisī pahlū nahīñ aatā hai mire dil ko qarār

roz kambaḳht ko bahlātā huuñ kaisā-kaisā

kār-e-imroz ba-fardā ma-guzār ai ġhāfil

muñh dikhānā hai to phir va.ada-e-fardā kaisā

kyuuñ jalāte ho ajī vasl kī shab sūrat-e-sham.a

abhī aa.e ho mire ghar abhī jaanā kaisā

daaġh jo de mire dil ko vahī mujh se pūchhe

kaho ka.aba meñ charāġhoñ kā jalānā kaisā

kis tarah us ko sunā.eñ ki vo suntā hī nahīñ

kaisī dilchasp hikāyat ho fasānā kaisā

dil jo māñgā to ba-sad naaz ye hañs-hañs ke kahā

shakl kaisī hai bhalā rañg hai us kā kaisā

Thokareñ khāne ko jaatā hai jab us kūche meñ

roktā huuñ dil-e-be-tāb ko kaisā-kaisā

dil gayā yā na gayā ḳhair-guzasht āñche-guzasht

aap ko hai sar-e-mahfil ye achambhā kaisā

ghar meñ mehmān hai vo rashk-e-qamar 'shīrīñ' ke

auj par hai mire tāle.a kā sitārā kaisā

ruh be-chain hai qalib mein to parda kaisa

raaz-e-dil apne masiha se chhupana kaisa

KHud wo diwana hai jo mujh ko kahe diwana

har jagah hai meri wahshat ka ye charcha kaisa

kaha laila ne ki ai qais zara hosh mein aa

tinke chunta phire insan ye sauda kaisa

kisi pahlu nahin aata hai mere dil ko qarar

roz kambaKHt ko bahlata hun kaisa-kaisa

kar-e-imroz ba-farda ma-guzar ai ghafil

munh dikhana hai to phir wada-e-farda kaisa

kyun jalate ho aji wasl ki shab surat-e-shama

abhi aae ho mere ghar abhi jaana kaisa

dagh jo de mere dil ko wahi mujh se puchhe

kaho kaba mein charaghon ka jalana kaisa

kis tarah us ko sunaen ki wo sunta hi nahin

kaisi dilchasp hikayat ho fasana kaisa

dil jo manga to ba-sad naz ye hans-hans ke kaha

shakl kaisi hai bhala rang hai us ka kaisa

Thokaren khane ko jata hai jab us kuche mein

rokta hun dil-e-be-tab ko kaisa-kaisa

dil gaya ya na gaya KHair-guzasht aanche-guzasht

aap ko hai sar-e-mahfil ye achambha kaisa

ghar mein mehman hai wo rashk-e-qamar 'shirin' ke

auj par hai mere talea ka sitara kaisa