bahr-e-gul-gasht mere ghar mein jo yar aa jae

bahr-e-gul-gasht mire ghar meñ jo yaar aa jaa.e

bāġh-e-ummīd meñ ik taaza bahār aa jaa.e

lutf khīñch baiThne kā tujh ko bhī yaar aa jaa.e

mere qaabū meñ jo merā dil zaar aa jaa.e

fātiha paḌh ke mirī qabr ko Thukrāo jo tum

chain se niiñd mujhe zer-e-mazār aa jaa.e

karvaTeñ maiñ jo badaltā huuñ to ye matlab hai

jo pahlū-e-dil-e-muztar ko qarār aa jaa.e

dauḌ kar us ko gale se na lagā.ūñ kyuuñ kar

dekh kar ḳhanjar-e-qātil ko jo pyaar aa jaa.e

jazb-e-dil hijr meñ itnā to asar dikhlā de

be-talab aap mire ghar vo nigār aa jaa.e

aur bhar-bhar ke abhī jaam diye jā saaqī

kahīñ aisā na ho āñkhoñ meñ ḳhumār aa jaa.e

na sahī fātiha Thokar hī lagāte jaanā

paañv ke nīche jo 'āshiq kā mazār aa jaa.e

dil mukaddar ho to hone se na honā behtar

toḌo is ā.īna ko jis meñ ġhubār aa jaa.e

dil kī dhaḌkan kā yahī ek hai duniyā meñ 'ilāj

haath siina pe jo rakh do to qarār aa jaa.e

vasl manzūr nahīñ hai to lagāvaT kaisī

is adā se na kar inkār ki pyaar aa jaa.e

chāñdnī raat kā phir jaa.e nigāhoñ meñ samāñ

baam par apne jo 'shīrīñ' vo nigār aa jaa.e

bahr-e-gul-gasht mere ghar mein jo yar aa jae

bagh-e-ummid mein ek taza bahaar aa jae

lutf khinch baiThne ka tujh ko bhi yar aa jae

mere qabu mein jo mera dil zar aa jae

fatiha paDh ke meri qabr ko Thukrao jo tum

chain se nind mujhe zer-e-mazar aa jae

karwaTen main jo badalta hun to ye matlab hai

jo pahlu-e-dil-e-muztar ko qarar aa jae

dauD kar us ko gale se na lagaun kyun kar

dekh kar KHanjar-e-qatil ko jo pyar aa jae

jazb-e-dil hijr mein itna to asar dikhla de

be-talab aap mere ghar wo nigar aa jae

aur bhar-bhar ke abhi jam diye ja saqi

kahin aisa na ho aankhon mein KHumar aa jae

na sahi fatiha Thokar hi lagate jaana

panw ke niche jo 'ashiq ka mazar aa jae

dil mukaddar ho to hone se na hona behtar

toDo is aaina ko jis mein ghubar aa jae

dil ki dhaDkan ka yahi ek hai duniya mein 'ilaj

hath sina pe jo rakh do to qarar aa jae

wasl manzur nahin hai to lagawaT kaisi

is ada se na kar inkar ki pyar aa jae

chandni raat ka phir jae nigahon mein saman

baam par apne jo 'shirin' wo nigar aa jae