shauq-e-nazara hai jab se us ruKH-e-pur-nur ka

shauq-e-nazāra hai jab se us ruḳh-e-pur-nūr kā

hai mirā murġh-e-nazar parvāna sham.a-e-tūr kā

ai sanam kyā pūchhtā hai haal is ranjūr kā

dil na aTkā.e kahīñ allāh be-maqdūr kā

lutf jaatā hai surūd-e-nāla-e-pur-shor kā

ḳhūn-e-dil piinā hai ye khānā mujhe sindūr kā

vādī-e-zulmat meñ apnī daḳhl kab hai nuur kā

mehar ik sho.ala sā hai so bhī charāġh-e-daur kā

tere qāmat se jo ho barpā qiyāmat sarv-o-par

kaam le minqār se faryād-e-qamrī suur kā

'zauq' rāh-e-ishq vo kūcha hai jis kī ḳhaak meñ

hai dar-e-tāj-e-sulaimāñ baiza baiza mor kā

shauq-e-nazara hai jab se us ruKH-e-pur-nur ka

hai mera murgh-e-nazar parwana shama-e-tur ka

ai sanam kya puchhta hai haal is ranjur ka

dil na aTkae kahin allah be-maqdur ka

lutf jata hai surud-e-nala-e-pur-shor ka

KHun-e-dil pina hai ye khana mujhe sindur ka

wadi-e-zulmat mein apni daKHl kab hai nur ka

mehar ek shoala sa hai so bhi charagh-e-daur ka

tere qamat se jo ho barpa qiyamat sarw-o-par

kaam le minqar se faryaad-e-qamri sur ka

'zauq' rah-e-ishq wo kucha hai jis ki KHak mein

hai dar-e-taj-e-sulaiman baiza baiza mor ka