sochta hun ki wo kitne ma’sum the kya se kya ho gae dekhte-dekhte

sochtā huuñ ki vo kitne mā’sūm the kyā se kyā ho ga.e dekhte-dekhte

maiñ ne patthar se jin ko banāyā sanam vo ḳhudā ho ga.e dekhte-dekhte

hashr hai vahshat-e-dil kī āvārgī ham se pūchho mohabbat kī dīvāngī

jo pata pūchhte the kisī kā kabhī lāpata ho ga.e dekhte-dekhte

ham se ye soch kar koī vā'de karo ek vā'da pe 'umreñ guzar jā.eñgī

ye hai duniyā yahāñ kitne ahl-e-vafā be-vafā ho ga.e dekhte-dekhte

ġhair kī baat taslīm kyā kījiye ab to ḳhud par bhī ham ko bharosa nahīñ

apnā saaya samajhte the jin ko kabhī vo judā ho ga.e dekhte-dekhte

sochta hun ki wo kitne ma’sum the kya se kya ho gae dekhte-dekhte

main ne patthar se jin ko banaya sanam wo KHuda ho gae dekhte-dekhte

hashr hai wahshat-e-dil ki aawargi hum se puchho mohabbat ki diwangi

jo pata puchhte the kisi ka kabhi lapata ho gae dekhte-dekhte

hum se ye soch kar koi wa'de karo ek wa'da pe 'umren guzar jaengi

ye hai duniya yahan kitne ahl-e-wafa be-wafa ho gae dekhte-dekhte

ghair ki baat taslim kya kijiye ab to KHud par bhi hum ko bharosa nahin

apna saya samajhte the jin ko kabhi wo juda ho gae dekhte-dekhte