zer-e-charkH-o-sar zamin na rahe

zer-e-charkH-o-sar zamīñ na rahe

mujh ko kahte haiñ tū kahīñ na rahe

aaj masjidoñ kī intihā kar duuñ

shauq miT jaa.e yā jabīñ na rahe

ham uThā.eñ na gar tire sadme

āsmāñ ke tale zamīñ na rahe

zikr hī kyā hai ḳhāksāroñ kā

us zamīñ pe falak-nashīñ na rahe

rahtī kuchh aur roz bazm-e-nashāt

magar afsos ḳhud hamīñ na rahe

’ishrat-e-vasl ke hoñ ham qaa.el

aaj ye dil agar hazīñ na rahe

is nahīñ ne mujhe kyā barbād

kaash ye aap kī nahīñ na rahe

jab se dil bujh gayā mirā mutrib

tere naġhme bhī dil-nashīñ na rahe

zer-e-charkH-o-sar zamin na rahe

mujh ko kahte hain tu kahin na rahe

aaj masjidon ki intiha kar dun

shauq miT jae ya jabin na rahe

hum uThaen na gar tere sadme

aasman ke tale zamin na rahe

zikr hi kya hai KHaksaron ka

us zamin pe falak-nashin na rahe

rahti kuchh aur roz bazm-e-nashat

magar afsos KHud hamin na rahe

’ishrat-e-wasl ke hon hum qael

aaj ye dil agar hazin na rahe

is nahin ne mujhe kya barbaad

kash ye aap ki nahin na rahe

jab se dil bujh gaya mera mutrib

tere naghme bhi dil-nashin na rahe