زیر چرخ و سر زمیں نہ رہے

زیر چرخ و سر زمیں نہ رہے

مجھ کو کہتے ہیں تو کہیں نہ رہے

آج مسجدوں کی انتہا کر دوں

شوق مٹ جائے یا جبیں نہ رہے

ہم اٹھائیں نہ گر ترے صدمے

آسماں کے تلے زمیں نہ رہے

ذکر ہی کیا ہے خاکساروں کا

اس زمیں پہ فلک نشیں نہ رہے

رہتی کچھ اور روز بزم نشاط

مگر افسوس خود ہمیں نہ رہے

عشرت وصل کے ہوں ہم قائل

اگر یہ دل اگر حزیں نہ رہے

اس نہیں نے مجھے کیا برباد

کاش یہ آپ کی نہیں نہ رہے

جب سے دل بجھ گیا مرا مطرب

تیرے نغمے بھی دل نشیں نہ رہے