din zindagi ke kaise kaTenge bahaar mein

din zindagī ke kaise kaTeñge bahār meñ

tum iḳhtiyār meñ ho na dil iḳhtiyār meñ

sub.h-e-visāl hai na vo ab shām-e-intizār

ab kyā rahā hai gardish-e-lail-o-nahār meñ

vo nāznīn hai mahv-e-tamāshā-e-sahn-e-gul

yā aur ik bahār khilī hai bahār meñ

ik mai-gusār jām-ba-kaf ek tishna-kām

kyā vus.ateñ haiñ baḳhshish-e-parvardigār meñ

duniyā se be-ḳhabar ġham-e-duniyā se be-niyāz

baiThā hai koī sāya-e-dīvār-e-yār meñ

jin ko tirī vafā ne kiyā sarfarāz-e-dahr

vo kho ga.e hujūm-e-ġham-e-rozgār meñ

din zindagi ke kaise kaTenge bahaar mein

tum iKHtiyar mein ho na dil iKHtiyar mein

subh-e-visal hai na wo ab sham-e-intizar

ab kya raha hai gardish-e-lail-o-nahaar mein

wo naznin hai mahw-e-tamasha-e-sahn-e-gul

ya aur ek bahaar khili hai bahaar mein

ek mai-gusar jam-ba-kaf ek tishna-kaam

kya wusaten hain baKHshish-e-parwardigar mein

duniya se be-KHabar gham-e-duniya se be-niyaz

baiTha hai koi saya-e-diwar-e-yar mein

jin ko teri wafa ne kiya sarfaraaz-e-dahr

wo kho gae hujum-e-gham-e-rozgar mein