qaf se bhi dur ek mulk-e-suleman aur hai

qaaf se bhī duur ik mulk-e-sulemāñ aur hai

maiñ huuñ dīvāna jahāñ kā vo paristāñ aur hai

maiñ huuñ ghā.il jis kā vo shamshīr-e-burrāñ aur hai

maiñ nishāna jis kā huuñ vo tīr-e-mizhgāñ aur hai

kyā haiñ ye kyā naaz naḳhre un butoñ ke zāhido

jis ke maare ham haiñ vo nāz-e-hasīna aur hai

ḳhuub samjhe tarjumān-e-dil jo ashkoñ ne kiyā

pūchhte haiñ ham se ban ban ke kuchh armāñ aur hai

haiñ tan-e-tanhā dam-e-naqd-e-'āshiq-e-sultān-e-'alī

paas kuchh rakhtā nahīñ ḳhātir pareshāñ aur hai

qaf se bhi dur ek mulk-e-suleman aur hai

main hun diwana jahan ka wo paristan aur hai

main hun ghail jis ka wo shamshir-e-burran aur hai

main nishana jis ka hun wo tir-e-mizhgan aur hai

kya hain ye kya naz naKHre un buton ke zahido

jis ke mare hum hain wo naz-e-hasina aur hai

KHub samjhe tarjuman-e-dil jo ashkon ne kiya

puchhte hain hum se ban ban ke kuchh arman aur hai

hain tan-e-tanha dam-e-naqd-e-'ashiq-e-sultan-e-'ali

pas kuchh rakhta nahin KHatir pareshan aur hai