su-e-kaba ya su-e-ku-e-butan le jaega

sū-e-ka.aba yā sū-e-kū-e-butāñ le jā.egā

sach batā josh-e-junūñ mujh ko kahāñ le jā.egā

jā.eñge mulk-e-adam ko dīn-o-īmāñ chhoḌ kar

sar pe apne kaun ye bār-e-garāñ le jā.egā

hai yaqīñ us dil ke hāthoñ jaan ek din jā.egī

khīñch kar maqtal meñ bahr-e-imtihāñ le jā.egā

ḳhud irāda but-kada kā hai na ka.aba kī havas

jā.eñge vaa.iz jahāñ pīr-e-muġhāñ le jā.egā

chhoḌ kar bismil gayā be-rahm ye samjhā na haa.e

dil meñ armān-e-shahādat nīm-jāñ le jā.egā

kū-e-jānāñ bhī na chhoḌā ḳhāna-vīrānī ke ba.ad

dekhnā hai ab kahāñ ye āsmāñ le jā.egā

aa.e the 'aughaT' jahāñ meñ Thokareñ khāne ko ham

jā.eñge ye āb-o-dāna ab jahāñ le jā.egā

su-e-kaba ya su-e-ku-e-butan le jaega

sach bata josh-e-junun mujh ko kahan le jaega

jaenge mulk-e-adam ko din-o-iman chhoD kar

sar pe apne kaun ye bar-e-garan le jaega

hai yaqin us dil ke hathon jaan ek din jaegi

khinch kar maqtal mein bahr-e-imtihan le jaega

KHud irada but-kada ka hai na kaba ki hawas

jaenge waiz jahan pir-e-mughan le jaega

chhoD kar bismil gaya be-rahm ye samjha na hae

dil mein arman-e-shahadat nim-jaan le jaega

ku-e-jaanan bhi na chhoDa KHana-virani ke baad

dekhna hai ab kahan ye aasman le jaega

aae the 'aughaT' jahan mein Thokaren khane ko hum

jaenge ye aab-o-dana ab jahan le jaega