kalid-e-ishq ki sina ko dijiye to sahi

kalīd-e-'ishq kī siina ko dījiye to sahī

machā ke luuT kabhī sair kījiye to sahī

karo shahīd ḳhudī ke savār ko ro kar

ye jism-e-duldul-e-be-yār kījiye to sahī

jalā ke kHāna-o-asbāb misl-e-nīrū ke

mazā surūd ke shāloñ kā lījiye to sahī

hai ḳhum to mai se labālab ye tishna-kāmī kyuuñ

lo toḌ mohr-e-ḳhudī mai bhī pīji.e to sahī

uḌā patañg mohabbat kā charḳh se bhī duur

ḳhirad kī dauḌ ko ab chhoḌ dījiye to sahī

mazā dikhā.eñge jo kah do raam maiñ hī huuñ

zamīñ zamāñ ko bhī yuuñ 'rām' kījiye to sahī

kalid-e-'ishq ki sina ko dijiye to sahi

macha ke luT kabhi sair kijiye to sahi

karo shahid KHudi ke sawar ko ro kar

ye jism-e-duldul-e-be-yar kijiye to sahi

jala ke kHana-o-asbab misl-e-niru ke

maza surud ke shaalon ka lijiye to sahi

hai KHum to mai se labaalab ye tishna-kaami kyun

lo toD mohr-e-KHudi mai bhi pijie to sahi

uDa patang mohabbat ka charKH se bhi dur

KHirad ki dauD ko ab chhoD dijiye to sahi

maza dikhaenge jo kah do ram main hi hun

zamin zaman ko bhi yun 'ram' kijiye to sahi