کلید عشق کی سینہ کو دیجئے تو سہی

کلید عشق کی سینہ کو دیجئے تو سہی

مچا کے لوٹ کبھی سیر کیجیے تو سہی

کرو شہید خودی کے سوار کو رو کر

یہ جسم دلدل بے یار کیجیے تو سہی

جلا کے خانہ و اسباب مثل نیرو کے

مزا سرود کے شالوں کا لیجئے تو سہی

ہے خم تو مے سے لبالب یہ تشنہ کامی کیوں

لو توڑ مہر خودی مے بھی پیجیے تو سہی

اڑا پتنگ محبت کا چرخ سے بھی دور

خرد کی دوڑ کو اب چھوڑ دیجئے تو سہی

مزا دکھائیں گے جو کہہ دو رام میں ہی ہوں

زمیں زماں کو بھی یوں رامؔ کیجیے تو سہی