dil-e-shaida ko jis ne turra-e-dastar se bandha

dil-e-shaidā ko jis ne turra-e-dastār se bāñdhā

goyā mansūr ko be-resmān-e-dār se bāñdhā

karegā qatl ham ko ek din ye nāvak-e-mizhgāñ

hamārā ḳhuuñ muqaddar ne tire sūfār se bāñdhā

ba-gulzār-e-jahāñ rañgīñ mizājoñ ko rahā khaTkā

takalluf kī nahīñ jā dāman-e-gul ḳhaar se bāñdhā

na bāñdhā dil kabhī zāhid ne ma.ashūq-e-haqīqī se

vale har vaqt sar ko gosha-e-dastār se bāñdhā

ba-sū-e-bulbul-o-parvāna dekho chashm-e-’ibrat se

kisī ko nuur se bāñdhā kisī ko naar se bāñdhā

qiyāmat tak uThā sakte nahīñ ham sar ko sajda se

ḳhat-e-peshānī apnā āstān-e-yār se bāñdhā

lagī phirtī hai saaya kī tarah har lahza qadmoñ se

sar-e-duniyā ko ahlullāh ne paizār se bāñdhā

dil āshiq-e-javāhar ḳhāna-e-taqdīr hai shāyad

ki sad.hā motiyoñ ko āñsuoñ ke taar se bāñdhā

ta.ashshuq bhī 'ajab shai hai ki chandīñ shaiḳh sāhib ko

qazā-e-āsmāñ ne rishta-e-zunnār se bāñdhā

kyā duniyā ko 'itr-āgīñ jo apnī mushk-e-ambar se

magar 'sayyad' ne da.avā nāfa-e-tātār se bāñdhā

dil-e-shaida ko jis ne turra-e-dastar se bandha

goya mansur ko be-resman-e-dar se bandha

karega qatl hum ko ek din ye nawak-e-mizhgan

hamara KHun muqaddar ne tere sufar se bandha

ba-gulzar-e-jahan rangin mizajon ko raha khaTka

takalluf ki nahin ja daman-e-gul KHar se bandha

na bandha dil kabhi zahid ne mashuq-e-haqiqi se

wale har waqt sar ko gosha-e-dastar se bandha

ba-su-e-bulbul-o-parwana dekho chashm-e-’ibrat se

kisi ko nur se bandha kisi ko nar se bandha

qiyamat tak uTha sakte nahin hum sar ko sajda se

KHat-e-peshani apna aastan-e-yar se bandha

lagi phirti hai saya ki tarah har lahza qadmon se

sar-e-duniya ko ahlullah ne paizar se bandha

dil aashiq-e-jawahar KHana-e-taqdir hai shayad

ki sadha motiyon ko aansuon ke tar se bandha

tashshuq bhi 'ajab shai hai ki chandin shaiKH sahib ko

qaza-e-asman ne rishta-e-zunnar se bandha

kya duniya ko 'itr-agin jo apni mushk-e-ambar se

magar 'sayyad' ne dawa nafa-e-tatar se bandha