phansa jab se dil-e-shaida sanam ki zulf-e-pechan mein

phañsā jab se dil-e-shaidā sanam kī zulf-e-pechāñ meñ

basar hotī hai har shab ek hī ḳhvāb-e-pareshāñ meñ

kahāñ hai vo mazā ai bāġhbāñ sair-e-gulistāñ meñ

latāfat jo nazar aatī hai mujh ko kū-e-jānāñ meñ

bahār aa.e dil-e-sūfī pe zer-e-sāya-e-kāmil

chaman par rañg aa jaatā hai aksar abr-o-bārāñ meñ

vilāyat meñ to hazrat ke nahīñ hai mujh ko shak hargiz

va-lekin naaz az bas thā janāb-e-shaiḳh-e-san.āñ meñ

agar ye reḳhta sayyad koī mash.had meñ le jaa.e

tayaqqun hai ki shohrat-yāfta ho mulk-e-īrāñ meñ

phansa jab se dil-e-shaida sanam ki zulf-e-pechan mein

basar hoti hai har shab ek hi KHwab-e-pareshan mein

kahan hai wo maza ai baghban sair-e-gulistan mein

latafat jo nazar aati hai mujh ko ku-e-jaanan mein

bahaar aae dil-e-sufi pe zer-e-saya-e-kaamil

chaman par rang aa jata hai aksar abr-o-baran mein

wilayat mein to hazrat ke nahin hai mujh ko shak hargiz

wa-lekin naz az bas tha janab-e-shaiKH-e-sanan mein

agar ye reKHta sayyad koi mashhad mein le jae

tayaqqun hai ki shohrat-yafta ho mulk-e-iran mein