پھنسا جب سے دل شیدا صنم کی زلف پیچاں میں

پھنسا جب سے دل شیدا صنم کی زلف پیچاں میں

بسر ہوتی ہے ہر شب ایک ہی خواب پریشاں میں

کہاں ہے وہ مزا اے باغباں سیر گلستاں میں

لطافت جو نظر آتی ہے مجھ کو کوئے جاناں میں

بہار آئے دل صوفی پہ زیر سایۂ کامل

چمن پر رنگ آ جاتا ہے اکثر ابر و باراں میں

ولایت میں تو حضرت کے نہیں ہے مجھ کو شک ہرگز

ولیکن ناز از بس تھا جناب شیخ صنعاں میں

اگر یہ ریختہ سید کوئی مشہد میں لے جائے

تیقن ہے کہ شہرت یافتہ ہو ملک ایراں میں