KHub rangat teri ai duniya-e-fani dekh li

ḳhuub rañgat terī ai duniyā-e-fānī dekh lī

'ālam-e-pīrī bhī dekhā aur javānī dekh lī

zaat aqdas ke tavassul kā bahāna aur hai

'ilm-e-mantiq bhī paḌhā ham ne ma.anī dekh lī

bazm-e-rañgīñ se mujhe tuune nikālā chand baar

ham ne terī ai sanam ye mehrbānī dekh lī

kuchh nahīñ hāsil ba-juz tan-parvarī-o-farbahī

nafs-e-kāfir ne bahut sī kāmrānī dekh lī

ban ga.e tasvīr kī sūrat shabīh-e-yār se

terī san.at ham ne ai bahzād-o-mā’nī dekh lī

ba.ad-e-marg aatā nahīñ bahr-e-ziyārat bhī kabhī

bevafā.ī dekh lī aur bad-gumānī dekh lī

aish-e-duniyā par na ho nāzāñ tū ai 'sayyad' kabhī

chand sā'at har bashar ne shādmānī dekh lī

KHub rangat teri ai duniya-e-fani dekh li

'alam-e-piri bhi dekha aur jawani dekh li

zat aqdas ke tawassul ka bahana aur hai

'ilm-e-mantiq bhi paDha hum ne mani dekh li

bazm-e-rangin se mujhe tune nikala chand bar

hum ne teri ai sanam ye mehrbani dekh li

kuchh nahin hasil ba-juz tan-parwari-o-farbahi

nafs-e-kafir ne bahut si kaamrani dekh li

ban gae taswir ki surat shabih-e-yar se

teri sanat hum ne ai bahzad-o-ma’ni dekh li

baad-e-marg aata nahin bahr-e-ziyarat bhi kabhi

bewafai dekh li aur bad-gumani dekh li

aish-e-duniya par na ho nazan tu ai 'sayyad' kabhi

chand sa'at har bashar ne shadmani dekh li