tarik sham hai chaman-e-rozgar ki

tārīk shaam hai chaman-e-rozgār kī

lā de koī ga.ī huī sub.heñ bahār kī

hai sub.h-e-hashr dhuum hai dīdār-e-yār kī

aur mujh pe kaifiyat hai vahī intizār kī

shohrat hai mere pairahan-e-tār-tār kī

ye sab ināyateñ haiñ havā-e-bahār kī

parvā nahīñ mujhe ġham-e-himmat shikār kī

khelā huuñ god meñ sitam-e-rozgār kī

donoñ nazar fareb-o-fareb-e-nigāh the

merā shabāb aur javānī bahār kī

'sīmāb' ehtijāj kHilāf-e-ġham-o-kHushī

tauhīn hai mashiyyat-e-parvardigār kī

tarik sham hai chaman-e-rozgar ki

la de koi gai hui subhen bahaar ki

hai subh-e-hashr dhum hai didar-e-yar ki

aur mujh pe kaifiyat hai wahi intizar ki

shohrat hai mere pairahan-e-tar-tar ki

ye sab inayaten hain hawa-e-bahaar ki

parwa nahin mujhe gham-e-himmat shikar ki

khela hun god mein sitam-e-rozgar ki

donon nazar fareb-o-fareb-e-nigah the

mera shabab aur jawani bahaar ki

'simab' ehtijaj kHilaf-e-gham-o-kHushi

tauhin hai mashiyyat-e-parwardigar ki