mujhko didar ki KHwahish na thi un ke ruKH se naqab un ka kyun haT gaya

mujh ko dīdār kī ḳhvāhish na thī un ke ruḳh se naqāb un kā kyuuñ haT gayā

maiñ to buzdil thā dil thā mirā sher-dil samjhāyā dīdār pe DaT gayā

pyaas dil kī bujhāne chale magar apnī manzil se aage ga.e ham nikal

ye junūñ dekh kar dil ne āvāz dī aur aage kahāñ un kā panghaT gayā

aap sukūñ kī jhanakār par the fidā aur mirī jeb meñ koī sikka na thā

maiñ tahī-dast thā kyūñki fankār thā is liye aap kī raah se haT gayā

zindagī bhar use bhuul saktā nahīñ hukm farmā.iye to sunā duuñ abhī

aap ne jo paḌhāyā thā mujh ko sabaq achchhī tarah vo sabaq raT gayā

mere mahbūb to narm-dil hai bahut merī furqat kā ġham sah sakegī na tū

maiñ na kahtā thā merī kahānī na sun āḳhir kaleja tirā phaT gayā

mujh ko didar ki KHwahish na thi un ke ruKH se naqab un ka kyun haT gaya

main to buzdil tha dil tha mera sher-dil samjhaya didar pe DaT gaya

pyas dil ki bujhane chale magar apni manzil se aage gae hum nikal

ye junun dekh kar dil ne aawaz di aur aage kahan un ka panghaT gaya

aap sukun ki jhanakar par the fida aur meri jeb mein koi sikka na tha

main tahi-dast tha kyunki fankar tha is liye aap ki rah se haT gaya

zindagi bhar use bhul sakta nahin hukm farmaiye to suna dun abhi

aap ne jo paDhaya tha mujh ko sabaq achchhi tarah wo sabaq raT gaya

mere mahbub to narm-dil hai bahut meri furqat ka gham sah sakegi na tu

main na kahta tha meri kahani na sun aaKHir kaleja tera phaT gaya