tu ne ai ham-safar pher li jo nazar waqt se peshtar hum to mar jaenge

tū ne ai ham-safar pher lī jo nazar vaqt se peshtar ham to mar jā.eñge

zulm aisā na kar kuchh ḳhudā se to Dar tere dīvāne āḳhir kahāñ jā.eñge

jism se ruuh to so ga.ī hai is tarah zinda se kyā fā.eda

bā-ḳhudā ham tire 'ishq meñ dil-rubā maut ke ghaaT ik din utar jā.eñge

jis qadar de sako do hameñ ranj-o-ġham uf kareñge na hargiz ḳhudā kī qasam

tum nahīñ jānte aisā sonā haiñ ham aag meñ aur tap kar nikhar jā.eñge

qatl karne kā tujh ko baḌā shauq hai aur ham ko shahādat kā armān hai

ham tirī bazm meñ jā.eñge gar kabhī to hathelī pe lekar ye sar jā.eñge

ham sharābī haiñ lekin baḌe DhiiT haiñ koī roke to hargiz rukeñge na ham

pī ke jā.eñge saaqī tirī bazm se varna dahlīz pe terī mar jā.eñge

bāda-noshī na kījiye mire mehrbāñ baat sun lījiye mirī 'tābish' miyāñ

pīji.e to zarā soch kar pīji.e aap ke varna kapḌe utar jā.eñge

tu ne ai ham-safar pher li jo nazar waqt se peshtar hum to mar jaenge

zulm aisa na kar kuchh KHuda se to Dar tere diwane aaKHir kahan jaenge

jism se ruh to so gai hai is tarah zinda se kya faeda

ba-KHuda hum tere 'ishq mein dil-ruba maut ke ghaT ek din utar jaenge

jis qadar de sako do hamein ranj-o-gham uf karenge na hargiz KHuda ki qasam

tum nahin jaante aisa sona hain hum aag mein aur tap kar nikhar jaenge

qatl karne ka tujh ko baDa shauq hai aur hum ko shahadat ka arman hai

hum teri bazm mein jaenge gar kabhi to hatheli pe lekar ye sar jaenge

hum sharabi hain lekin baDe DhiT hain koi roke to hargiz rukenge na hum

pi ke jaenge saqi teri bazm se warna dahliz pe teri mar jaenge

baada-noshi na kijiye mere mehrban baat sun lijiye meri 'tabish' miyan

pijie to zara soch kar pijie aap ke warna kapDe utar jaenge